Des Licht am Gang des knackst und geht aus
Er kummt noch an Umweg übern Wirten zhaus
Unten bellt da Hund es geht die Heisltia
Am Tisch wird’s Essen woaten und die nächsten Bier
Ob`s schmeckt oder net er wird sowieso feun
Er kriagt sein Gachen und die Gschroppen wern heun
Wann wird a endlich miad vo seina Sauferei
Sie schenkt eam noch owa er schenkt ihr ei

Ref.:
Und die Wänd hom Ohrn und hean wieder zua
Nua sie hom kann Mund sie woin nua ihr Ruah
Des geht an nix au
Ma mischt sie net ei
Ma hot jo nix gmerkt
Es wird scho nix sei

Heite is wos anders es heat afoch net auf
Es scheppert und krocht wie san denn de heit drauf
Der Fernseher schaut, das er lauter is ois Gschrah
Auf amoi is stüh ois ob nix gwesen wa
Dann Rettung und Hee am Gang a muads Bahöö
Überoi gengan Tian auf und es zeigt sie schnö
Das Eam abfian mit Ochta sie mit Fias voran
Und olle sagn sie woan a nettes Poa